Enthält: Die beiden Enseschen Siegel, davon das Kurts stark beschädigt, und von den Kettelerschen Siegeln das eine hängen an. Das andere Kettelersche Siegel fehlt. Or. Pgt. Inhalt: Ich Wylhem van Ense un Dedeke myn echte husvrowe, un en hadden nyne kynder tho den tyden, un al unser erven, un ich Gherd van Ense un al myne erven, bekennz sementlichen openbare, dat wy ut den vyfteyn march geldes, de uns de sesteynen, dey vormunde synt der seltere tho Werle un dey ghemeynen seltere, plegh tho ghyvene alle jar up sunte Petry dach also he up den stol wart ghebracht, der hebbe wy den selven vorg. luden vorkoft rechtlichen un redelychen veyr march geldes vor vyrtych march, de uns wol bereyt synt, also dat wy van en dey mughen wederkopen alle jar up den selven sunte Petry dach, achte daghe vore ofte na, vor vyrtych march gelt also dan tho Werle ghylt. Were dat dyt dey leste wederkop were also van des soltwerkes weghene, dar sey uns plaghen af tho ghyvene dey vyfteyn march geldes, so mughen sey nochtan bruken des soltwerkes dar na vyer jar tho allem rechte also wy en dat ghedan hebben ofte sey wylt. Un wy un unse erven lovz en warschap vor allr leye ansprake, wanner un war sey des behovz ane yrn schaden sunder yrhande wedersprake unvortoghet. Were an der warschap yenich brake, des hebbe wy en tho burghen ghesat Curde den Ketelere un Rotghere den Ketelere, hern Rotghers soene des Ketelers, de myd uns un wy myd en lovz in guden truwen myd eyner samender hant. Wurde wy dar umme ghemant van erer weghene ofte van eren bodden an unse antworde eder war wy wonz, dar na vyrtenacht wan dey umme synt tho hant, zule wy tho Werle in ry[den in ei]ne ghemeyne ersame herberghe unvortoghz, un dar nicht ut tho komene wy en heb- ben ern schaden untrychtet un dey vyrtich march bereyt tho yrn wyllen ane yde ____ wedersproke. Storve ok unser welych under uns, wurde wy andern dan van en ghemanz, so zule wy holden un [___en ____]lle also hyr vorg. steyt also langhe, wynte eynen andern hey sy sakewolde eder borghe also gud in des doden stede weder hebbet ghesat, argelyst ghensliken ut ghesat. Un des tho tughe so hebbe wy sakewolden un borghen vorg. unser ingheseghele an dessen breyf ghehangen. Datum anno domini M° CCCmo LXX quarto, ipso die beati Petri ad cathedram. Rückseite: Signatur Ausf., Pergament, mnd., mit Plica, das Pergament ist vermutlich nach einer Rasur wiederverwendet worden, in einem Bereich links ist die vorherige Schrift zum Teil schlecht rasiert worden, drei Siegel am Pressel anhängend: vom ersten (Wilhelm v. Ense – Schneidezange) ist nur der Schild und ein kleiner Teil der Umschrift erhalben, das zweite (Gerhard v. Ense – Schneidezange) ist größtenteils erhalten, das dritte Siegel ist samt Pressel abgefallen, das vierte Siegel ist beschädigt mit erkennbarem Siegel (Ketteler – Kesselhaken) 1Zu der Zeit wurde der rheinische Gulden mit 3 Mark und einem Schilling, insgesamt 37 Schillingen gerechnet – 40 Mark entsprachen damit knapp 13 Gulden (siehe www.hagen-bobzin.de/hobby/muenzverein_rheinisch.html Stand Februar 2021)
Darin: Transkription von Armin Scholz-Behlau – Stand 21. Februar 2021
